පරිගණකයේ Drivers Backup කරමු

         මීට කලින් පෝස්ට් එකේදි මම Drivers ඩවුන්ලෝඩ් කරන්න පුළුවන් මෘදුකාංගයක් ගැන කියලා දුන්නා.අද ඔබට දෙන මෘදුකාංගය මගින් පරිගණකයට ස්ථාපනය කර තිබෙන Drivers Backup කිරීමට හැකියි.මේක ගොඩක් වැදගත් වෙන්නෙ ඔබ ලග පරිගණකයේ Driver CD එකක් නැතිනම්. මේ මෘදුකාංගයෙනුත් Drivers Backup කිරීමට අමතරව යාවත්කාල(Update),Uninstall කිරීම වැනි දේ කළ හැකියි.මම අද කියලා දෙන්නෙ මේකෙන් Drivers Backup කරන්නෙ කොහොමද කියලා.මුලින්ම මේ ලින්ක් එකෙන් Driver Genius මෘදුකාංගය අරගෙන ස්ථාපිත කරගන්න.(20MB)

දැන් මෘදුකාංගය විවෘත කරගෙන Restore Drivers වෙතට යන්න

 

දෙවන රූපයේ ඇති වින්ඩෝවෙන් Currently Used Drivers සහ Disconnected Device Drivers පමණක් තෝරා ගැනීම ප්‍රමාණවත්.ඉන්පසු Next කරන්න.

                 Select the backup type ස්ථානයේ Auto-Installer Archive ලෙස තෝරා දෙන්න.එවිට Driver Genius මෘදුකාංගය ස්ථාපිත නොකර අවශ්‍ය විට Drivers Restore කල හැකියි.Choose a place to save your driver backup files තුලින් Save කල යුතු ස්ථානය තෝරා දෙන්න.Drivers Backup වීම සඳහා මද වේලාවක් ගතවේ.ඉන්පසු Finish කරන්න.

 

        ඔබට Drivers Restore කිරීමට අවශ්‍ය වූ විට Save කරගත් File එක විවෘත කර අවශ්‍ය Drivers තෝරා දී Start Restore කරන්න.

මේ මෘදුකාංගය ඩවුන්ලෝඩ් කරන්න දුන්න ලින්ක් එක ගත්තෙ මේ බ්ලොග් එකෙන්

 තවදුරටත් අපැහැදිලි තැනක් තියෙනවා නම් අහන්න.ස්තූතියි මේ පැත්තෙ ආවට!

සැ.යු: මෙහි දී ඇති මෘදුකාංගයන්හි නීතිමය අයිතිය  සම්බන්ධයෙන් මා විසින් වගකීමක් නොදරණ අතර මා කර ඇත්තේ ඒ සම්බන්ධ විස්තර ලබාදීම පමණි.මෘදුකාංගයන් ඩවුන්ලෝඩ් කිරීමට දායක කරගත් ලින්ක් වෙනම දක්වා ඇත.

ලේසියෙන්ම නොමිලේ Drivers ඩවුන්ලෝඩ් කරන විදිහක්

               Drivers කියලා කියන්නෙ VGA Card,Sound Card ආදී දෘඩාංග සහ Printers,Web Cam වැනි උපාංග නිසියාකාරව ඔබගේ මෙහෙයුම් පද්ධතිය සමග ක්‍රියාත්මක කිරීමට අවශ්‍ය මෘදුකාංගයි.
              ඉතින් පරිගණකයක් Format කලාම අපි ලඟ  ඒකෙ Driver CD එක නැත්නම් අමාරුම වැඩේ තමයි Drivers හොයාගන්න එක.අපි Driver එක මොකක්ද කියලා දන්නෙත් නැත්නම් ලොකු අමාරුවක වැටෙනවා.ඒකට සාර්ථකම විසඳුමක් තමයි 3DP Chip මෘදුකාංගය.මේක පොඩි මෘදුකාංගයක් උනාට හරිම වටිනවා.
                මෙතනින් 3DP Chip වෙබ් අඩවියට ගිහින් Latest 3DP Chip Download කියන Link එකෙන් ඩවුන්ලෝඩ් කරගෙන ස්ථාපිත කරගන්න.ඉන්පසු 3DP Chip Software එක විවෘත කලාම මේ වගේ දකින්න පුලුවන් වෙයි.

           මෙතන VGA,Sound ආදී Drivers ටික වෙන වෙනම දක්වා තිබෙනවා.ඔබ අන්තර්ජාලයට සම්බන්ධ වෙලා ඒ එකින් එකට Click කලාම අදාල Driver එක නොමිලේම ඩවුන්ලෝඩ් කරගන්න පුලුවන්.මෙමගින් ඔබගේ මෙහෙයුම් පද්ධතියට අදාල(windows XP හෝ Windows 7/8) Driver එක තෝරා ගෙන ලබාගන්න පුලුවන්.ඒ වෙබ් අඩවියේම තිබෙන Latest 3DP Net Download මඟින් Network Card (Ethernet Card) වලට අදාල Drivers විශාල ප්‍රමාණයක් ස්ථාපිත කරගන්න පුලුවන්.මේ විස්තරය ප්‍රමාණවත් කියලා හිතනවා.අපැහැදිලි තැනක් තියෙනවා නම් අහන්න.ස්තූතියි!

සැ.‍යු :- ඇතැම් අවස්ථාවලදී මෙමඟින් හඳුනාගන්නා Drivers නිවැරදි නොවේ.එවන් විටකදී වැරදි Driver එකක් ලබා දීම හේතුවෙන් ඇතැම් විට ඔබගේ මෙහෙයුම් පද්ධතියට හානි වීමට ඉඩ ඇත.ඒ සම්බන්ධයෙන් ඇති අවදානම ඔබ විසින් දැරිය යුතුයි.